ក្រុមសមាជិកព្រឹទ្ធសភា បានអញ្ជើញចុះចែកអំណោយដល់ប្រជាពលរដ្ឋជួបការលំបាកជីវភាពចំនួន១០គ្រួសារ នៅភូមិចំការគ ឃុំស្វាយចេក ស្រុកស្វាយចេក ខេត្តបន្ទាយមានជ័យ
នៅព្រឹកថ្ងៃច័ន្ទ ទី៧ ខែតុលា ឆ្នាំ២០២៤ ឯកឧត្តម ឈើយ ចាន់ណា លេខាធិការគណៈកម្មការទី៧ ព្រឹទ្ធសភា និងជាលេខាធិការក្រុមសមាជិកព្រឹទ្ធសភា ប្រចាំភូមិភាគទី៤ រួមអមដំណើរដោយលោក ដា ទឹង ប្រធានក្រុមប្រឹក្សាស្រុក លោក លឿង សុភក្តិ អភិបាលស្រុក និងមន្ត្រីមួយចំនួននៅសាលាស្រុក និងលោក ងិន សូទ្ធី មេឃុំស្វាយចេក អញ្ជើញចុះចែកអំណោយដល់ប្រជាពលរដ្ឋជួបការលំបាកជីវភាពចំនួន១០គ្រួសារ នៅភូមិចំការគ ឃុំស្វាយចេក ស្រុកស្វាយចេក ខេត្តបន្ទាយមានជ័យ។ ឯកឧត្ដម និងក្រុមការងារខាងលើបានបន្តចុះពិនិត្យបងប្អូនអាជ្ញាធរមូលដ្ឋាន និងកងកំលាំងអធិការនគរបាលស្រុកធ្វើការសាងសង់ផ្ទះជូនដល់ប្រជាពលរដ្ឋឈ្មោះ មឿង សុខា អាយុ៥៦ ជាស្រ្តីមេមាយ មានកូនក្នុងបន្ទុក២នាក់ ស្ថិតនៅភូមិ បឹងស្នោ ឃុំស្លក្រាម ស្រុកស្វាយចេក ខេត្តបន្ទាយមានជ័យ។
